I FUNDIT/ 46-vjeçari në Krujë godet me kosore një shtetas pas një konflikti të çastit

KRUJË– Një 46-vjeçar ka goditur ditën e sotme bashkëfshatarin me kosore.

Policia njofton se ka arrestuar shtetasin B. K., 46 vjeç, banues në fshatin Gramëz, Krujë, pasi në këtë fshat, ka goditur me mjet të mprehtë (kosore), për motive të dobëta, shtetasin E. L.(K.), 39 vjeç, banues në Arrameras, i cili po merr mjekim në Spitalin e Traumës, Tiranë.

Policia e ka sekuestruar në cilësinë e provës materiale mjetin e mprehtë me të cilin dyshohet se është goditur 39-vjeçari. Materialet i kaluan Prokurorisë, për veprime të mëtejshme.