Të ndarë dhe të paqartë, opozita organizon sot protestën e radhës kundër qeverisë

TIRANË– Në orën 12:00, Rithemelimi do të mbajë protestën e radhës kundër qeverisë.

Në këtë protestë, Berisha ka njoftuar se do të kërkohet dorëheqja si kryeministër e Edi Ramës, për shkak edhe të skandalit “McGonigal”.

Nën sloganin “Dorëheqja është detyrim”, Sali Berisha ka paralajmëruar se mijëra qytetarë do të mbushin bulevardin para Kryeministrisë.

Ndërkohë, ditën e djeshme policia publikoi planin e masave të hartuara për mbarvajtjen e protestës.

Që prej orës 10:00, do të bllokohet qarkullimi i automjeteve në këto rrugë: Bulevardi “Dëshmorët e Kombit”, sheshi “Nënë Tereza”, rruga “Ismail Qemali”, nga kryqëzimi i rrugës së Elbasanit me rrugën “Ibrahim Rugova”, rruga “Papa Gjon Pali II”, bulevardi “Zhan D’Ark” dhe bulevardi “Bajram Curri”, nga kryqëzimi i rrugës së Elbasanit me rrugën “Ibrahim Rugova”.