Fitorja ndaj Kukësit, Çela entuziast në konferencën për shtyp

Trajneri krutan, Emiliano Cela me fitore e arritur ndaj Kukësit është parë mjaft entuziast në pronocimin e dhënë për Over Sport.

Çela shprehet: “E përgëzoj për punën e bërë Hallaçin, iu them të ngrenë kokën se kanë bërë një punë të jashtëzakonshme. Ekipi im vinte nga një traumë pas humbjes me Ballshin, kemi pasur probleme psikologjike, kemi folur më shumë se taktikisht. Në fillim të lojës nuk kishte qarkullim, por pasiguri dhe probleme por më pas doli goli. Jam më shumë i lumtur për lojtarët që të kuptojnë sa vlejnë pavarësisht problemeve, jam shumë i kënaqur dhe të paktën mos të luajmë nën trysni psikologjike, duhet luajtur me doza emocionale jo të larta pasi kalojmë në gabime. Jam shumë i kënaqur për këtë ndeshje dhe këtë fitore. Shpresoj të vazhdojmë të luajmë kështu dhe në ndeshjet e ardhshme. Klubi ka bërë një punë shumë të mirë në përzgjedhjen e lojtarëve, i gjithë problem ishte që nuk morëm shumë lojtarë efektivë. Ne trajnerët kemi pasur një fazë shumë të vështirë, besoj kemi bërë një fazë të parë shumë të mirë, patëm marrë 15 pikë, kishim një frymë shumë të mirë kolektive. Në periudhën që unë skam qenë ekipi ka humbur 8 ndeshje. Ndeshjet do ti marrim hap pas hapi, me këtë fitore na u ndez një shpresë, do tja bëjmë ysmetin edhe ndeshjes me Tiranën. Shpresojmë të bëjmë më të mirën.”

Skuadra e Kastriotit, ka arritur një fitore të rëndësishme në përballjen ndaj Kukësit, e zhvilluar sot pasdite në stadiumin Elbasan Arena. Goli i Santiago Selmanit, në minutën e 28′ të pjesës së parë ka shtuar shanset që skuadra krutane të shpresoj të jetë mes më të mirave të futbollit shqiptar.