26-vjeçari nga Fushë-Kruja arrestohet për ngacmim seksual ndaj një të miture, kundërshton edhe Policinë

TIRANË– Një 26-vjeçar është arrestuar ditën e sotme nga Policia e Tiranë për ngacmim seksual.

Policia ka arrestuar në flagrancë shtetasin me iniciale D. Z., 26-vjeç, banues në Fushë-Krujë, pasi dyshohet se ka ngacmuar seksualisht një shtetase të mitur.

Gjithashtu, 26-vjeçari, gjatë shoqërimit ka kundërshtuar dhe goditur për shkak të detyrës, punonjësin e Policisë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.