Zhvillohet ndeshja midis KF Ilirisë dhe KF Bulqizës! Ekipi krutan humb me rezultatin 1-2

KAMËZ– Klubi i Futbollit të Krujës, KF Iliria, ka zhvilluar mesditën e kësaj të shtune ndeshjen e radhës, kundër ekipit të KF Bulqizës.

Ndeshja e cila nisi në orën 13:30 u luajt në Kompleksin Sportiv “Loro Boriçi” në Kamëz dhe përfundoi me rezultatin 2-1 për ekipin bulqizak.

Ekipi kundërshtar ka shfaqur një paraqitje mjaft të mirë, duke bërë që të kishim një përballje të fortë me emocione të jashtëzakonshme.

Golin për ekipin krutan e shënoi A.Nasufi, në pjesën e parë të takimit. KF Iliria renditet momentalisht në vend të 7 në Kategorinë e Dytë.