Sot ndeshja Iliria-Naftëtari, Sala: Synojme fitoren

Në kuadrin e javës së gjashtë të kampionatit të kategorisë së dytë, Grupi A, Iliria e Fushë Krujës do të presë në orën 14:00, në stadiumin “Redi Maloku”, Naftëtarin e Kucovës, skuadër që aktualisht kryeson rënditjen e grupit A, me 12 pikë.

Për vetë pozicionet ku ndodhen skuadrat në renditje, ndeshja e sotme parashikohet të jetë e fortë. Duke folur për ndeshjen e sotme, trajneri i Ilirisë, Fatmir Sala, mes të tjerash shprehet se:

“Ndeshja me Naftëtarin do të jetë një ndeshje e fortë. Fitorja e arritur në fushën e vështirë të Gramshit, ka rritur dukshëm atmosferën në skuadër. Kemi bërë përgaditjet e duhura, që ndeshjen e sotme ta kalojmë me sukses. Pavarësisht se ndeshemi me skuadrën e vëndit të parë, objektivi është marrja e pikëve të plota.”

Sipas trajnerit fushëkrujas, skuadra në ndeshjen e sotme do të jetë e plotë. Ndeshjen e sotme ka të ngjarë të ndiqet nga një numër të konsiderueshëm sportdashës nga qyteti i Fushë-Krujës.