Shtyhet për të disatën herë gjyqi ndaj prokurores së Krujës, Enkelejda Hoxha: Prokurori nuk ndihej mirë

TIRANË– Gjykata e Tiranës ka shtyrë sërish gjyqin ndaj ish-gjyqtares, Enkelejda Hoxha. Shkak është bërë mungesa e prokurorit të çështjes i cili siç u bë me dije, mungonte për arsye shëndetësore.

Ish-gjyqtarja Enkelejda Hoxha u vu në pranga paraditen e 11 shkurtit 2021 bashkë me 9 persona të tjerë, në kuadër të një operacioni të mirëorganizuar nga SPAK, pasi ishte vënë në përgjim prej muajsh. Pikërisht më 11 shkurt, Hoxha, me skemën e përgatitur me ndihmën e bashkëpunëtorëve të saj, do të lironte të dënuarin për vrasje, Saimir Petani.

Gjyqtarja Enkelejda Hoxha akuzohet se ka marrë shuma nga 6 mijë deri në 12 mijë euro në këmbim të lirimit të të dënuarve për vrasje. Në skemë u zbulua edhe mjeku kardiolog Edvin Prifti pasi nga përgjimet rezultoi se kishte marrë ryshfet për të operuar në QSUT nënën e sekretares së gjykatës, Manuela Mallkuçi, por më vonë ai u la i lirë.