Primaret e PD në Krujë! Njëri prej kandidatëve sulmon bazën për mosorganizim dhe fshehtësi

KRUJË– Vetëm pak ditë më parë u bë publike lista e 11 kandidatëve të cilët janë pjesë e Primareve të “Rithemelimit” për kryetar Bashkie në Krujë.

Në listën e miratuar nga kryesia PD, vihet re se bashkia Krujë ka thyer rekord për sa i përket numrit të kandidatëve.

Ditën e sotme, njëri prej kandidatëve, Agim Kodra, ka sulmuar PD në këtë Bashki për mosorganizim dhe mbajtje të fshehtë të procesit.

Kodra ka kërkuar marrjen përsipër të detyrave dhe që kandidatët të prezantohen me kryetarët dhe sekretarët e seksioneve.

Ai thotë se duhet të njihemi me kandidatët e tjerë në atë që Kodra e cilëson “qëllim të përbashkët dhe fisnik”.