Muzeu në Krujë mbushet me vizitorë vendas dhe të huaj

KRUJË– Historia e Skënderbeut mbetet magjepsëse, turistë nga e gjithë bota interesohen për të vizituar Muzeun e Krujës

Muzeu historik i Krujës i qujtur dhe si Muzeu Gjergj Kastrioti Skënderbeut gjatë këtij viti është vizituar nga një numër i lartë turistësh, vendas dhe të huaj. Mjaft nga vizitorët shprehin kënaqësinë e tyre teksa njihen me vlerat historike te heroit tonë Kombëtar Skënderbe.

Në hyrjen e pazarit karakteristik te Derexhikut grupe turistësh nga Presheva dhe vende të ndryshme të botës tregojnë se janë të mahnitur nga Kruja dhe muzeu dhe vlerat historike. Turistë të tjerë vizitojnë Muzeun, pazarin dhe kalanë e Krujës.

Qyteti i Krujës një qendër e madhe turistike me vlera kombëtare që sjellë çdo vit dhe më shumë turistë nga treva të ndryshme shqipfolëse dhe turistë të huaj thuajse nga tërë bota.

Mehdi Hafizi dr. Muze Krujë: Do ta konsideroja sikur jemi në sezon turistik, pavarësisht që mund të hapet pak më vonë, fakt që Kruja po shkon drejt turizmit gjithëvjetor, sepse dhe në kohën që mungojnë grupet e mirëfillta tusitike, kemi individë, nxënës shkollash. Kruja ka lëvizjen sepse është e favorizuar nga vlerat që ka të trashëgimisë kulturore. Tashmë kemi grupe të favorizuara turistike që janë nga kompani amerikane, si dhe grupe italiane, spanjolle, grupe nordike, individë nga vende te ndryshme të botës. Një grup vizitorësh nga Presheva, që po i shpjegohen guida, ata janë të mahnitur nga muzeu i Skënderbeut.

Shpresojmë të mbetet një sezon i mbarë, sepse operatorët janë optimiste, duke shpresuar dhe një herë se do jetë sezon shumë i mire. Krahasuar me periudhën e një viti më parë, gjatë tre muajve e këtij viti janë me shume se ai i vitit të kaluar.