Motra i vdiq në aksident në aksin Fushë Krujë- Milot dhe autori u largua, gruaja: Autori të vetëdorëzohet

TIRANË– Një aksident me pasojë vdekjen e një shtetasje ka ndodhur me datë 23 shtator në vendin e quajtur “Mbikalimi i Patokut”.

Drejtuesi i mjetit ende nuk është identifikuar nga Policia, ndërkohë që familjarët e viktimës kërkojnë drejtësi për ngjarjen.

Ai u largua nga vendngjarja pasi përplasi 54-vjeçaren duke e lënë trupin e saj mes trafikndarëseve.

Motra e 54-vjeçares, Leonora Dedaj i bën thirrje autorit të aksidentit që të vetëdorëzohet pasi ka marre jetën e një njeriu dhe e ka lënë në rrugë.

54-vjeçarja Lule Deda u gjet e pajetë në hapësirën ndërmjet trafikndarëseve në aksin rrugor Tiranë-Lezhë.

Ajo ishte përplasur nga mjetet që kalojnë në këtë aks drejtuesi i së cilës nuk ndaloi pas ngjarjes.

Policia ka sekuestruar edhe pamjet e kamerave të sigurisë në këtë rrugë me qëllim identifikimin dhe arrestimin e autorit.