Kastrioti, gati për ndeshjen e rradhës

Për llogaritë e javës së 11-të, të kampionatit të Superligës, skuadra e Kastriotit, do të ketë një përballje interesante, me Erzenin e Shijakut.

Parashikohet një ndeshje e vështirë, për vetë faktin se skuadra shijakse, po kalon momente mjaft te mira. Fitorja e arritur ndaj Tiranës në transfertë, shto dhe barazimin ndaj Vllaznisë në minutat e fundit në Loro Borici, shtojnë akoma më shumë koificentin e vëshirësisë kësaj ndeshje.

Fitorja e arritur disa ditë më parë ndaj rivalëve ballshiotë ka shtuar dukshëm optimizmin në rradhët e skuadrës krutane. Ndeshja ndaj rivalëve historik, pritet më shumë interes në rradhët e tifozërisë krutane.

Dhe pse kjo ndeshje nuk ka rivalitetin dhe luftën sportive e para viteve 90′ ku prezenca e dy tifozërive në fushat respektive ishin të shumtë, ndeshja nesërme parashikohet të ndiqet nga një numër i konsiderueshëm sportdashës nga të dy skuadrat.

Në kampin krutanë ka lajme pozitive në prag ndeshjen që do të luhet nesër, në Niko Dovana të qytetit të Durrësit, duke filluar nga ora 13 :00. Ka të ngjarë se ne fomacionin bazë të përfshihen nga minuta e parë tre fubollistët që munguan në ndeshjen ndaj ballshiotëve.

Bëhet fjalë për futbollistët Xhuloi Mehmetin, Abaz Karakacin dhe Silvio Zogaj. Rikthimi i tre futbollistëve është një ogur i mirë për trajnerin Cela. Në ndeshjen ndaj shijakasve skuadra do të jetë e plotë dhe një fakt i tillë e bën trajnerin krutan, më optimist për marrjen e rezultatit pozitiv.