Jep dorëheqjen trajneri i Kastriotit, Emiljano Çela

KRUJË– Trajneri i KS Kastriotit, Emiljano Çela, ka dhënë dorëheqjen sëbashku me zv. trajnerin Bekim Kuli.

Lajmin e bëri të ditur vetë klubi nëpërmjet një njoftimi në “Facebook”, ku bëri të ditur se këto dorëheqje janë të parevokueshme.

Sipas klubit, arsyeja e dorëheqjes është humbja që skuadra ka pasur përballë Tiranës.

Momentalisht drejtimin e klubit e ka marrë Shkëlzen Rustami, i cili është rikthyer pas afro një viti.

Rustami do të mbajë postin e zëvendës trajnerit, por deri në emërimin e trajnerit të ri do të drejtojë edhe skuadrën si trajner i parë.