Kruja.info 
Komisariati i Policisë Durrës. Pamjet arkivë.
DURRËS– Policia e Durrësit ka arrestuar këtë të martë 3 persona për vepra të ndryshme penale.
Policia njofton se është arrestuar shtetasi në kërkim D. K., 31-vjeç, banues në Shkallnur, Durrës, pasi Gjykata e Shkallës së Parë Durrës e ka dënuar me 3 muaj burg, për veprën penale “Drejtimi i automjeteve në mënyrë të parregullt”.
Po nga specialistët e Hetimit të Krimit në Komisariatin e Policisë Durrës u arrestuan në flagrancë shtetasit:
M. T., 43-vjeç, banues në Durrës, për veprën penale “Shkelja e rregullave të mbrojtjes në punë”, pasi gjatë gjatë kohës që ka qenë duke punuar me fadromë në ambientet e punës së tij, është dëmtuar në dorë, shtetasi H. S., banues në Durrës, i cili ndodhet në spital, jashtë rrezikut për jetën;
I. M., banues në Durrës, pasi ka ushtruar dhunë fizike e psikologjike ndaj bashkëshortes dhe nipit të tij.
Materialet i kaluan Prokurorisë, për veprime të mëtejshme.
"Bazuar në Ligjin Nr.35/2016 “Për të drejtat e autorit”, ndalohet kopjimi, riprodhimi dhe publikimi i informacionit pa cituar burimin e tij."
