Erzeni-Kastrioti; Sfida mes rivalëve historik, ndahen me barazim

Para pak castesh ka përfunduar ndeshja mes Erzenit dhe Kastriotit. Ndeshja në fjalë është zhvilluar në stadiumin Niko Dovana, të qytetit të Durrësit dhe është mbyllur me barazim 1-1.

Të parët në avantazh kanë kaluar futbollistët miq të Kastriotit, me anë të Bedri Grecës, në të 7′, si rezultat e goditjes me kokë në afërsi të portës. Ndërsa goli i brazimit ka ardhur në pjesën e dytë të ndeshjes, në të 57′ , Nonato në qendër të zonës ka goditur saktësisht, jo vetëm që barazon rezultatin por ka vulosur dhe rezultatin përfundimtar të ndeshjes.

Në përgjithësi ndeshja është zhvilluar mjaft e bukur, me raste për shënim nga të dy skuadrat. Nga numri i rasteve të krijuara në pjesën e parë, më superiorë kanë qenë vendasit të cilët me anë të Mehmetit dhe Enk janë afruar disa herë portës së miqve, por nuk sjellin ndryshim në shifra.

Miqtë mbrohen mirë dhe numri i rasteve për shënim janë të pakta. Dhe pjesa e dytë ka të njejtën pamje. Megjithë rastet e krijuara rezultati mbeti i pa ndryshuar. Të vetmet shifra që ndyshojnë në këtë pjesë janë ndëshkimet me kartona të kuq të Marinajt,të Erzenit dhe S. Selmanit të Kastriotit, për ndërhye të parregullt ndaj kundërshtarëve.

Me këtë barazim, skuadra krutane është ngjitur në kuotën e 14 pikëve dhe aktulisht është në vëndin e gjashtë në rënditje, ku duhen dhe tre ndeshje që të mbyllet java e 11-të e Abisnet Superiore. Ndërsa ndeshja tjetër mes Bylist – Teutës është mbyllur me barazim 0-0.