Cela për Kruja.info: E vlerësojmë Kukësin, por ne fitojmë

Skuadra krutane u ka dhënë fund përgaditjeve për ndeshjen kundër Kukësit, që do të zhvillohet sot në mesditë, në stadiumin e Kamzës.

Ndeshja përvec se ndeshje e rradhës, afërsia në renditje që kanë skuadrat me njëra-tjetrën e bën ndeshjen e së dielës shumë interesante.

Fitorja e arritur ndaj verlindorëve, në transfertë, është e vetmja për skudrën krutane që ka arritur deri më tani. Marrja e tre pikëve në transfertën e vështirë të Kukësit, hapi rrugë, formacionit krutanë, të marrë disa rezultate pozitive, ku më të spikaturat janë barazimet me dy skuadrat e kryeqytetit, Tirana dhe Partizani, në transfertë.

Rezultatet e arritura, me këto skuadra, kanë ardhur si rezultat të lojës plot nivel, duke qenë në momente të caktuara dhe afër fitores. Ndeshja ndaj Kuksianëve po pritet me shume interes në opinion sportiv të qytetit të Krujës dhe pse skuadra e tyre e zemrës, prej vitesh është detyruar të luajë në një stadium tjetër, prezenca e tyre dhe në këtë ndeshje ka të ngjarë të jetë e konsiderueshme.

Numri një i pankinës krutane, Emiljano Cela, në prononcimin e dhënë Kruja,Info flet me tone optimste, për prag ndeshjen ndaj kuksianëve.

“Skuadra është në formën e saj më të mirë. Futbollistët kanë bërë përgaditjet e duhura për ta përballuar me suksese ndeshjen kundër Kukësit.”,- shprehet mes të tjerash, trajneri krutan.

Pavarësisht luhatjeve në rezultatet e arritura, kohët e fundit, për numrin një të pankinës krutane, Kukësi mbetet një skuadër e respektuar, e përbërë me elementë cilësor që të hapin punë në cdo moment.

“Kukësi pavarësisht luhatjeve që ka patur kohët e fundit, mbetet një skuadër e respektuar dhe vlerësimi do të jetë maksimal. Ka futbollistë cilësor që të hapin punë në cdo moment. Ajo që më bën optmist është se skuadra jo vetëm që është e plotë por dhe etur për të marrë tre pikët ndaj rivalit.”,- shprehet ne fund të komentit të tij, trajneri krutan.

Në ndeshjen e sotme ndaj Kukësit, skuadrës do ti mungoj Rami i penalizuar. Ndërsa për shkodranin Edon Hasani dhe pse gjendja e tij ka qenë më stabile, do të jetë dita e dielë që do të vendoset nesë do të jetë në planet e trajnerit krutan.  

Formacioni i mundshëm:

Sali, Stojanovic, Selmani, Karakaci, Malaj, Kodra, Onanunga, Greca, Marinaj, Zogaj. Morbeck 
Trajner: E. Cela