Vazhdon djegia e gomave në Krastë të Krujës! Autoritetet inekzistente

KRUJË– Ashtu siç ka ndodhur edhe më parë, edhe sot, Kruja u zgjuar me pamjen e tymit të krijuar nga djegia e gomave.

Jo vetëm në një vend, por këtë mëngjes djegia po kryhej në 2 vende të ndryshme në Krastë.

Edhe pse Kruja.info, e ka denoncuar këtë fenomen, autoritetet ligjzbatuese nuk kanë marrë masa për ta frenuar apo ndaluar plotësisht.

Sipas ligjit parashikohet qe gomat duhet te trajtohen si vijon dhe jo te digjen:

a) Riveshjen për ritregtim, me qëllim përdorimin origjinal të tyre;

b) Riciklimin e gomave të patregtueshme, nëpërmjet grirjes së tyre dhe përdorimit të granulave si lëndë e parë për industrinë e prodhimit të gomave;

c) Rikuperimin e gomave të patregtueshme me qëllim përfitimin e energjisë;

ç) Përdorimin e gomave të përdorura si lëndë djegëse shtesë për veprimtari të caktuara industriale.

Me tej parashikohet se: “Trajtuesi i gomave të përdorura dërgon pranë Agjencisë Kombëtare të Mjedisit dhe Inspektoratit Shtetëror të Mjedisit dhe Pyjeve informacion në lidhje me sasitë e gomave/mbetjeve të gomave të përdorura, të trajtuara sipas dokumenteve të transferimit, brenda datës 30 tetor të çdo viti. Agjencia informon ministrinë në lidhje me të dhënat e trajtimit të mbetjeve nga gomat e përdorura brenda muajit janar të vitit pasardhës.”.

Ne inkurajojmë dhe mbështesim institucionet ligjzbatuese që të veprojnë dhe të marrin masa ndaj ndotësve të mjedisit, dhe të parandalojnë këto katastrofa ekologjike.