U arratis në mënyrë spektakolare, kush është Edison Pula! Në 2017 u arratis nga komisariati i Krujës

Edison Pula i cili u arratis nga burgu në Itali ditën e djeshme, u arrestua në shkurt të këtij viti nga Policia italiane.

Duket se i riu është mjeshtër i arratisjes pasi në vitin 2017 u arratis nga burgu në Komisariatin e Kurjës duke kapërcyer murin rrethues. Pula arriti që të shtynte policët duke u shpëtuar në momentin që zbriti nga fugoni, teksa po futej në dhomën e izolimit.

Mbi Edison Pulën rëndojnë disa vepra penale si: ‘Vrasje me paramendim e ngelur në tentativë’, ‘Shkatërrim i pronës me eksploziv’, ‘Vjedhje me dhunë’ dhe ‘Prodhim dhe mbajtje e armëve dhe municioneve luftarake’. Edison Pula ka qenë i dënuar për vrasje e mbetur në tentativë, vendosje eksplozivi dhe vjedhje me dhunë.