Si i vjedh kompania ONE klientët dhe si i kërcënon?

ONE UNLIMITED STUDENT sëbashku me HOME NET, jepen nga ONE me një çmim prej 15 mijë lekësh të vjetra, por vetëm në letra.

Një denoncim i ardhur në redaksinë e Kruja.info, tregon se si kjo kompania vjedh klientët dhe për këtë nuk mban askush përgjegjësi.

Në fotot më poshtë, do të shihni detajet e faturave që ONE lëshon për klientin i cili ka paketën Unlimited Student.

Sikurse tregojnë pamjet, ONE ka vjedhur dhe vazhdon të vjedhë klientin duke i ngritur çdo muaj shumën e paketës, pavarësisht ankesave të bëra çdo muaj pranë kësaj kompanie. Edhe pse zyrtarisht kthimi i përgjigjes për ankesa duhet të jetë maksimalisht 14 ditë pune, ONE nuk i ka parë ankesat, ndërsa kërcënime për ndërprerje shërbimi vijnë çdo ditë, thotë denoncuesi.

Ai thotë se po të dojë që të shkëpusë kontratën, kompania do të ndjekë sërish të njëjtën rrugë dhe procesi do të zvarritet, duke e bërë më shumë problematike situatën e krijuar. Për këtë Autoriteti i Konkurencës, Prokuroria apo çdo palë përgjegjëse nuk dëgjohet sepse me sa duket kompania i ka shtritë tentakulat që vjedhja të vazhdojë pa probleme.