Pronari i fasonerisë në Krujë i bën thirrje shtetit për të kapur dhe rikthyer punëtorët në punë pasi ato u larguan

KRUJË– E padëgjuar, jologjike dhe kriminale, është thirrja që pronari i një fasonerie në Krujë i ka bërë shtetit për kapjen dhe rikthimin me forcë të punëtorëve në punë pas largimit të tyre.

Pas lajmit të bujshëm dhe me krenari të madhe që u publikua në media që Muharrem Hoçja, ka marrë punonjës pakistanez, duket se lumturia nuk ka zgjatur shumë.

Në një dalje për mediat, Hoçja ka zbuluar se 25 punonjës nga Pakistani janë larguar nga puna drejt Greqisë dhe për këtë i bën thirrje shtetit që ti kapi dhe riktheje me forcë.

“Ishte ditë e e shtunë dhe e djelë, në fundjavë në e lëmë punën në orën 15:00 dhe marr vesh mbrëmë në orën 01:00 të natës që i kanë thënë cunit që punëtorët nuk janë kthyer nga Fushë-Kruja. Më pas në orën 09-00 e marim vesh se ku ndodhen, ata ishin në  Libohovë. Në orën 11-00 u nisa nga Kruja mora dhe një fugon edhe erdha në Gjirokastër ku i takova të gjithë punonjësit e policisë, gjithashtu komunikova me punonjësit e kufirit dhe i kam thënë që Libohovë, por ju mund t’i ktheni kur të dalin. Por më pas mar vesh që nga Libohova ata kishin kaluar në territorin grek. Tani unë i bëj një thirrje ministrisë së jashtme dhe asaj të brendshme me gjithë të dhënat që i kam dhënë t’ kapim dhe t’i dërgoj në punë përsëri.”- tha Muharrem Hoçja.