Profil| Nga emigrant në biznes, kush është kandidati i Rithemelimit për Bashkinë Krujë

KRUJË– Agron Loka është kandidati i Rithemelimit për Bashkinë Krujë pas dorëheqjes së Ndriçim Babasit.

Agron Loka ka lindur në Bubq në vitin 1972 dhe është babai i dy fëmijëve, një djali dhe një vajze.

Loka ka përfunduar studimet në Universitetin Aleksandër Xhuvani për Matematikë dhe ka emigruar me familjen drejt Italisë.

Atje ka hapur edhe biznesin e tij të parë dhe më pas është kthyer për të investuar edhe në Shqipëri.

Loka është angazhuar që herët në strukturat e PD dhe në 2017 ka qenë në listën e deputetëve, mandat të cilin e refuzoi.

Loka njihet edhe si mbështetës i flaktë i Foltores së Berishës, gjë të cilën e ka konfirmuar edhe ish-kryeministri gjatë një takimi në Fushë-Krujë.