Policia e shpalli në kërkim, reagon 31-vjeçari nga Kruja: Nuk kam gisht në ngjarje, janë mashtrime

KRUJË– Policia e Fierit ka shpallur në kërkim ditën e sotme 31-vjeçarin nga Kruja, Erjon Kadiun pasi ditën e djeshme një shtetase ka bërë kallzim se 31-vjeçari i ka marrë makinën me anë të mashtrimit dhe nuk ia ka kthyer më.

Menjëherë pasi Kruja.info ka publikuar lajmin, në redaksi ka shkruar edhe 31-vjeçari i akuzuar i cili mohon që të ketë gisht në ngjarje.

Ai thotë se makinën e ka blerë pranë kësaj shtetasje me akt noterial dhe se ai vetë ndodhet jasht vendit.

31-vjeçari pretendon se shtetasja që ka bërë denoncimin ka gënjyer në Polici dhe se këto janë mashtrime.

Kruja.info kontaktoi edhe me Policinë e Fierit të cilët thanë se pas marrjes së denoncimit, Policia ka shkuar në banesës e 31-vjeçarit por ai nuk ndodhej aty.

Ata kërkuan që në rast se ky 31-vjeçar nuk ka lidhje me ngjarjen, të paraqitet në Polici në mënyrë që të zgjidhet situata e krijuar.