Plagosja me armë e 49-vjeçarit nga Kruja, zbulohen motivet e sherrit

KURBIN– Një plagosje me armë ka ndodhur pasditen e sotme në Lagunën e Patokut në Kurbin, shtetasi Besnik Selmani  56-vjeç nga Miloti, ka plagosur me një çifte shtetasin Besnik Pula, banues në Krujë.

Burime bëjnë me dije se 2 personat kishin dalë për gjueti me njëri-tjetrin dhe pasi kanë nisur të debatojnë për pronat dhe bagëtitë, 56-vjeçari e qëlloi me armë zjarri dhe më pas është larguar me vrap.

Njoftimi i Policisë:

Kurbin / Informacion paraprak

Në Lagunën e Patokut, Kurbin, rreth orës 17:00, shtetasi B. S. 56 vjeç, banues në Milot, dyshohet që pas një konflikti të çastit për motive të dobëta, ka plagosur me  çifte, shtetasin B. P. 49 vjeç, banues në Krujë, i cili është transportuar në spital për ndihmë  mjekësore dhe  ndodhet jashtë rrezikut për jetën.

Grupi hetimor në vendngjarje vazhdon veprimet hetimore për zbardhjen e plotë të rrethanave të ngjarjes.

 Janë ngritur pika kontrolli e po bëhet krehja e zonës me qëllim lokalizimin dhe kapjen e autorit.