Përmbytjet në Krujë, 20 banesa ende të izoluara

KRUJË– 20 banesa janë ende të izoluara nga përmbytjet që ndodhën ditën e djeshme në Krujë si pasojë e reshjeve të shiut.

Ndonëse reshjet e shiut kanë pushuar dhe niveli i lumit Ishëm ka rënë në zonën e Murqinës, shumë sipërfaqe vijojnë të janë të përmbytura.

Kjo situatë krijohet nga kanalet e pa pastruara të cilat në vend që ta përcjellin ujin në lumë e kthejnë atë mbrapsht, duke bërë që niveli i ujit të mos ulet.

Kjo është hera e dytë që këto zona përmbyten pas daljes nga shtrati i lumit Ishëm.