Ndizet një tjetër vatër zjarri në Krujë, dyshohet sërish si i qëllimshëm

KRUJË– Vetëm disa ditë pasi u bë e mundur shuarja e flakëve në Krastë, një tjetër vatër zjarri është ndezur në Krujë.

Zjarri ka rënë pasditen e djeshme (13 korrik 2022) në zonën e Zallës në Fushë-Krujë, në afërsi të një fabrike çimentoje.

Flakët janë përhapur me shpejtësi për shkak të erës, ndërsa është djegur një sipërfaqe me shkurre dhe bimësi.

Dyshohet se zjarri ka qenë i qëllimshëm, ndërsa në vendngjarje kanë mbërritur forcat zjarrfikëse të cilat po punojnë për shuarjen e flakëve.

Edhe pse është e disata herë që dyshohet se ka pasur një ndezje të qëllimshme të zjarrit, Policia nuk është vënë në veprim për të çuar përpara përgjegjësisë këto persona.