Ky është kandidati i propozuar për Kryetar Bashkie në Krujë nga Alibeaj

KRUJË– Kreu i Grupit Parlamentar i Partisë Demokratike, Enkelejd Alibeaj, ka përzgjedhur emrin e kandidatit i cili do të jetë potencial në zgjedhjet e 14 majit për Kryetar Bashkie.

Mësohet se kandidati që është propozuar është Sabah Sheta, i cili është përzgjedhur si pjesë e një procesi të mëparshëm për identifikimin e kandidatëve të mundshëm.

Vulën përfundimtare për emrin e tij do ta japë kryesia e PD në Krujë, sipas statusit të përcaktuar.

Nga ana tjetër “Rithemelimi”, në garën e primareve ka bërë pjesë të procesit 11 emra kandidatësh, të cilët do të votohen dhe ai që merr mës humë vota do të kandidojë për kryetar Bashkie.

Në listën e miratuar nga kryesia PD, vihet re se bashkia Krujë ka thyer rekord për sa i përket numrit të kandidatëve.