Krujë| Kruja.info sjell pamjet e zhvendosjes së familjes në Mukje nga çadra në kontenier pas 3 vitesh

KRUJË– Më në fund pas tre vitesh në çadër, familja Muka në fshatin Mukje, është sistemuar në kontenier.

Pas lajmit të publikuar në media, aktivisti i shoqërisë Civile avokat Adriatik Lapaj, mundësoj një strehëz, deri në rregullimin e shtëpisë së re.

Në familjen Mukja prej nëntë anëtarësh, ishte dhe e moshuara nënë Sabrija, ajo tregon se kushtet ishin mjaft të vështira në çadrën e dëmtuar, lagështira depërtonte kudo, shiu dhe ngricat gjatë stinës së dimrit ishin të padurueshme.Tani, kjo familje do të pres ndërtimin e shtëpisë së re sipas projektit të qeverisë.

Familja Muka është ndihmuar dhe nga hoxha Fushë-Krujës, Muharrem Vrana, me ushqime, veshmbathje dhe sende të tjera për këtë familje. Ndërkohë ndihma janë mundësuar nga emigrantë në Angli.

Nënë Sabrija, 86 vjeçarja ndihet e lumturuar nga kontributet, mirënjohëse për atë çka i është mundësuar, duke krijuar kushte më ndryshe nga ajo që përjetuan prej tre vitesh.