Kruja.info udhëton në zonat e përmbytura në Krujë, banorët: Nuk ka asnjë ndërhyrje

KRUJË– Situata mbetet sërish problematike në dy fshatrat e zonës së përmbytur dy ditë më parë.

Në Murqinë dhe Mallkuç rreth 150 ha tokë bujqësore vazhdon të mbetet nën ujë, pas daljes nga shtrati të lumit Ishëm.

Rreth 20 banesa janë të rrethuara nga uji, ndërkohë që niveli mbetet i njëjtë deri në 50 cm.

Asnjë reagim nga pushteti vendor, këtë e tregojnë banorët të cilët kërkojnë ndërhyerje të menjëhershme në pastrimin e lumit dhe kanaleve kulluese që bëhen shkak i përmbyetjeve dhe dëmeve të shkaktuara në bujqësi.

Deputetja Andia Ulliri ka inspektuar zonat e përmbytura dhe apeloi institucioneve për marrjen e masave në parandalimin e përbytjeve që janë bërë gangrenë prej disa vitesh në këtë zonë.

Ndërkohë dhe banorët kanë shprehur indinjatë për situatën dhe heshtjen e pushtetit vendor. Ditën e djeshme në terren janë vendosur në gadishmëri edhe forcat policore.