Ishte i shpallur në kërkim nga Policia Krujës por shkoi në protestë, arrestohet një shtetas

TIRANË– Policia e Tiranës ka arrestuar 2 persona dhe ka shpallur në kërkim një tjetër për protestën e djeshme të opozitës.

Njëri prej të arrestuarve ishte në kërkim për llogari të policisë së Krujës për vepër tjetër penale. Protestuesit janë arrestuar për kundërshtimi të punonjësve të policisë së rendit publik, Goditjet për shkak të detyrës, Prishja e qetësisë publike, Shkelja e rregullave mbi lëndët plasëse, djegëse dhe radioaktive.

Protestuesit u përplasën fizikisht me policinë në përpjekje për të hyrë brenda oborrit të Kuvendit duke çarë edhe kordonin që kishin krijuar për të ruajtur sigurinë. 3 efektivë u lënduan pas përdorimit të mjeteve piroteknike dhe sendeve të forta që u hodhën në drejtim të policisë.