Ishte i shpallur në kërkim, arrestohet 28-vjeçari nga Luzi i Krujës (EMRI)

MANZË– Një 28-vjeçar i shpallur në kërkim për kultivimin e 106 bimëve kanabis, është arrestuar ditën e sotme nga Policia e Manzës.

Policia ka arrestuar shtetasin Fatjon Lepuri, 28-vjeç, banues në Luz, Krujë, për të cilin Gjykata e Shkallës së Parë Durrës ka caktuar masën e sigurisë “Arrest në burg”, për veprën penale “Kultivimi i bimëve narkotike”.

Ky shtetas ishte shpallur në kërkim pasi dyshohet se është autori i kultivimit të 106 bimëve narkotike kanabis, në fshatin Likmetaj, Ishëm, të cilat janë gjetur gjatë kontrollit nga Policia, në mujin korrik 2020.

Materialet i kaluan Prokurorisë, për veprime të mëtejshme procedurale.