I shoqëruar nga Pacolli, Basha dhe Sheta, ambasadori amerikan në Kosovë viziton Krujën

KRUJË– William Graham Walker, diplomat i Shërbimit të Jashtëm të Shteteve të Bashkuara i cili shërbeu si ambasador i SHBA në El Salvador dhe si shef i Misionit të Verifikimit të Kosovës, ka vizituar ditën e djeshme qytetin e Krujës.

Ambasadori erdhi në Krujë në ditën e përkujtimit të masakrës së Rejçakut, ndërsa ishte i shoqëruar nga Behgjet Pacolli, ish-kryedemokrati Lulzim Basha dhe bashkëshortja e tij, si dhe Sabah Sheta.

Ky i fundit ka publikuar në Facebook pamjet e takimit dhe bëri të ditur se Walker pa nga afër kalanë e Krujës dhe u njoh me historinë e saj dhe të heroit tonë kombëtar, Skënderbeut, si dhe vlerësoi potencialin e jashtëzakonshëm turistik që ka qyteti ynë.