I FUNDIT/ I vendosi tritol pallatit në Lezhë bashkë me të riun nga Fushë-Kruja, arrestohet 52-vjeçari

LEZHË– Policia e Lezhës ka zbardhur ngjarjen e ndodhur 3 vite më parë në Shëngjin, ku iu vendos tritol një pallati 2 herë brenda 3 javësh.

Në kuadër të operacionit “Eksplozivi”, shërbimet policore kanë bërë të mundur kapjen dhe ndalimin e autorit të tretë të dyshuar të ngjarjes së ndodhur më datë 19.11.2020, në Shëngjin, dhe kanë arrestuar shtetasin Zef Kola, 52 vjeç, banues në Tiranë, për veprat penale “Shkatërrimi i pronës me eksploziv”, “Kanosja”, “Prishja e qetësisë publike” dhe “Mbajtja pa leje e armëve, armëve shpërthyese e municionit luftarak”.

Ky shtetas, në bashkëpunim me shtetasit Angri Stafuka Fushë-Kruja dhe Erald Pajtanin, dyshohet se kanë vendosur në një nga kolonat e një objekti në ndërtim, në pronësi të biznesmenit Liman Gjoka një sasi lënde plasëse, ngjarje e ndodhur me 19 nëntor të vitit 2020, ku nga shpërthimi i së cilës u shkaktuan dëme të konsiderueshme materiale.

Angri Stafuka banues në Fushë-Krujë u ndaluar me urdhër të prokurorisë, për veprat penale “Shkatërrimi i pronës me eksploziv”, “Prishja e qetësisë publike”, “Mbajtja pa leje e municioneve luftarake” dhe “Kanosja”.  Hetimet në lidhje me këtë ngjarje po drejtohen nga Prokurori Françesk Ganaj dhe sipas burimeve Angli Stafuka, ka qenë në rolin e ndihmësit për vendosjen e lëndës shpërthyese, ndërsa përfshirja e tij në këtë ngjarje është zbuluar në bazë të qelizave telefonike.

Gjatë marrjes në pyetje 21-vjeçari ka mohuar të ketë lidhje me ngjarjen. Të njëjtin qëndrim ka mbajtur edhe Erald Pajtani i cili është arrestuar disa muaj më parë, por pavarësisht pretendimeve të tyre organi i akuzës ka arritur të grumbullojë prova që i përfshin dy të rinjtë në këtë ngjarje.

Objekti në ndërtim i biznesmenit Liman Gjoka u sulmua dy herë me lëndë plasëse, konkrektisht në muajit nëntor dhe dhjetor të vitit 2020, ndërsa për shpërthimin e dytë ende nuk është arritur të zbulohen autoret, pavarësisht se ka dyshime se mund të jenë të njëjtit persona. Nga hetimet e deritanishme dyshohet se shkak për këto ngjarje të jenë bërë konfliktet e pronësisë në lidhje me truallin ku po ndërtohet objekti disa katesh, në breg të detit pranë në zonën e Ranës së Hedhur në Shëngjin.