I FUNDIT/ Hyri me armë në një lokal në Fushë-Krujë dhe dhunoi 30-vjeçarin, arrestohet Gazment Kusta

TIRANË– Policia e Tiranës ka arrestuar ditën e djeshme Gazment Kustën, i shpallur në kërkim për veprat penale “Kanosja”, “Plagosja e lehtë me dashje” dhe “Mbajtja pa leje dhe prodhimi i armëve, armëve shpërthyese dhe i municionit”.

Sipas Policisë së Tiranës, në Rrugën e Kokonozëve, shërbimet e Forcës së Posaçme “Shqiponja”, kanë ndaluar mjetin me drejtues shtetasin A. O., 32 vjeç, dhe pasagjer shtetasin Gazment Kusta, 35 vjeç.

Pas verifikimeve të kryera ka rezultuar se 35-vjeçari ishte shpallur në kërkim për veprat penale “Kanosja”, “Plagosja e lehtë me dashje” dhe “Mbajtja pa leje dhe prodhimi i armëve, armëve shpërthyese dhe i municionit”.

Kusta, sëbashku me tre persona të tjerë dyshohet se më datë 17 shkurt 2021 së bashku me 3 persona të tjerë kanë hyrë në ambientin e një lokali në lagjen e ‘Bakushe Visha’ të Fushë-Krujës dhe kanë rrahur 30-vjeçarin Elvis Elezi. 35-vjeçari Gazmend Kusta ose i njohur ndryshe si Ceni ka fshehur makinën tip “Audi” që kanë përdorur për t’u larguar pasi kanë rrahur në një lokal Elezin.

Shkak i sherrit ka qenë prishje e pazarit të drogës, pasi Elvis Elezi ka qenë në burg si korrier droge në Kroaci. Për këtë ngjarje, policia ka ende të shpallur në kërkim edhe Geat Bakalli banues në Budull i dënuar më parë për trafik lëndësh narkotike.

Autorët kanë qenë të maskuar dhe të armatosur me kallashnikovë, pistoleta dhe shkopinj. Ata kanë zbritur nga një makinë dhe janë futur në një lokal dhe nën kërcënimin e armës i kanë bërë thirrje klientëve të mos lëvizin.