I FUNDIT/ Dërgoi djalin në Angli për azil, Policia procedon 47-vjeçarin nga Fushë-Kruja

TIRANË– Policia Kufitare e Rinasit ka proceduar penalisht një 47-vjeçar nga Fushë-Kruja.

Policia njofton se ka proceduar shtetasin S. D., 47 vjeç, sepse djali i tij 15-vjeçar është kthyer deportiv nga Mbretëria e Bashkuar.

Gjatë intervistimit të thelluar rezultoi se shtetasi S. D. e kishte dërguar ilegalisht në Angli, djalin e tij të mitur, me qëllim kërkimin e azilit, ndërsa vetë ky shtetas ndodhej në Shqipëri.

Departamenti i Policisë Kufitare në Policinë e Shtetit vijon bashkëpunimin e ngushtë me homologët e të gjitha vendeve të hapësirës SCHENGEN, e më gjerë, për verifikimin, identifikimin dhe ndëshkimin ligjor të të gjithë atyre që braktisin të miturit, për qëllime azilkërkimi.