I FUNDIT/ Autoblind, patrullim dhe kontrolle, Policia zbarkon në Krujë

KRUJË– Grupe të policisë kriminale të Durrësit si edhe disa grupe të Forcave të Ndërhyrjes së Shpejtë u janë bashkuar efektivëve të Policisë së Krujës që po ushtron kontrolle mes zonës së Fushë Krujës dhe Laçit.

Disa grupe të FNSH-së dhe një autoblindë, të cilët ushtrojnë kontrolle në të gjitha akset e këtij rrethi, në kuadër të parandalimit të ngjarjeve kriminale, të ndalimit të personave në kërkim, apo individëve të ndryshëm që lëvizin me armë apo sende të kundërligjshme.

Si kurrë më parë, postblloqe  dhe kontrolle po zhvillohen edhe ne fshatrat problematik si: Nikla, Larushku, Thumana etj.

Në fokus janë kryesisht zonat e ‘nxehta’ që njihen gjerësisht për kontingjentin kriminal që jeton në këto zona.