I FUNDIT/ Arrestohet në Krujë 29-vjeçari i shpallur në kërkim (EMRI)

KRUJË– Policia e Krujës ka arrestuar ditën e sotme një 29-vjeçar të shpallur në kërkim për kultivim të bimëve narkotike.

Në kordinim me Policinë e Kurbinit, është kapur dhe ndaluar shtetasin Taulant Baroka, 29 vjeç, banues në Arrameras, Fushë Krujë.

Ky shtetas ishte shpallur në kërkim, pasi si rezultat i veprimeve të thelluara hetimore, Gjykata e Apelit të Juridiksionit të Përgjithshëm, Tiranë, i ka caktuar atij, masën e sigurisë “Arrest në burg”, për këtë veprimtari kriminale.

Shtetasi Taulant Baroka, në bashkëpunim me 2 shtetas të tjerë të arrestuar nga Policia e Kurbinit, gjatë operacionit policor të koduar “Bushneshi”, i zhvilluar në muajin dhjetor 2021, kishte përshtatur me llamba, një lokal në katin e parë të një banese, në Kurbin, për kultivimin e bimëve narkotike.

Gjatë kontrollit në këtë ambient u gjetën dhe u sekuestruan 506 bimë narkotike cannabis sativa të kultivuara në vazo dhe 58 kilogramë lëndë narkotike cannabis sativa.

Ky shtetas iu dorëzua Drejtorisë Vendore të Policisë Lezhë, për veprime të mëtejshme procedurale.