I FUNDIT/ Arrestohet 28-vjeçari nga Kruja, pronar i një subjekti me materiale ndërtimi (EMRI)

DURRËS– Një 28-vjeçar është arrestuar nga Policia e Durrësit në kuadër të operacionit të koduar “December”.

Si rezultat i këtij operacioni u arrestua në flagrancë shtetasi Doris Doko, 28 vjeç, banues në Krujë.

Gjatë kontrollit të ushtruar në subjektin në pronësi të këtij shtetasi, me fushë veprimtarie tregtim i materialeve të ndërtimit, shërbimet e Policisë gjetën dhe sekuestruan 1 kilogram lëndë të dyshuar narkotike cannabis sativa, në formën e çokollatës.

Nga veprimet hetimore dyshohet se ky shtetas e siguronte lëndën narkotike, nëpërmjet automjeteve të transportit publik.

Punohet për dokumentimin e plotë të veprimtarisë kriminale të këtij shtetasi, identifikimin dhe kapjen e personave të tjerë të përfshirë.

Materialet i kaluan Prokurorisë, për veprime të mëtejshme.