I FUNDIT/ Arrestohen 2 punonjës të OSHEE në Krujë, 2 në kërkim

KRUJË– Punonjësit e OSHEE në Krujë kanë zhvilluar ditën e sotme një protestë kundër lidhjeve të paligjshme në “shtëpitë e barit”.

Rreth 70 punonjës kanë pezulluar punën deri në marrjen e masave nga instancat përkatëse. Një punonjës i OSHEE, i tha Kruja.info në kushtet e anonimitetit, se protesta vjen pasi Policia arreston punonjësit ndërkohë që asnjë polic nuk mban përgjegjësi. Sipas tij, policia heq përgjegjësinë dhe ia ngarkon barrën palës tjetër.

Protesta e punonjësve erdhi pasi ditën e djeshme, në fshatin Halil nga një aksion antidroge të ndërmarrë nga policia, është konstatuar një tunel i braktisur i ushtrisë kanë konstatuar fidanë kanabisi. Për pasojë janë arrestuar, Ervis Halili elektricist, Oltjon Farruku elektricist, dhe u shpallën në kërkim Ilir Karai dhe Sokol Kullai.

Punonjësit e OSHEE të zonës u thirrën fillimisht nga ana e policisë për të gjetur lidhjen e energjisë elektrike të këtij tuneli. Nga OSHEE është konstatuar me vështirësi të madhe pasi kishte mbi një kilometër kabull të shtrirë nën tokë pranë një shtylle e cila ishte shpuar ne bazamentin e saj e cila vizualisht ishte e pamundur te identifikohej. Punonjësit e OSHEE kanë bërë kontroll të shtyllave në zonë dhe është konstatuar lidhja e jashtëligjshme e cila furnizonteë tunelin që shërbente si serë kanabisi. Por ata thonë se nuk kanë lidhje me këtë ngjarje.

Si rrjedhojë, 8 punonjësit e OSHEE janë shoqëruar në polici ku janë marrë në pyetje për mënyrën sesi është bërë lidhja e tunelit.