Heqja e materialeve propagandistike për fushatë, KQZ gjobit Policinë Bashkiake në Krujë

Sot, Komisioneri Shtetëror i Zgjedhjeve vendosi krijimin e qendrës së posaçme të votimit nr. 4383/01, KZAZ 79, Bashkia Tepelenë dhe caktoi sasinë e fletëve të votimit për këtë QV, për zgjedhjet për organet e qeverisjes vendore.

Përfundoi shqyrtimi administrative i denoncimeve të z. Ivi Kaso, me nr. 352 ID, nr. 353 ID, 371 ID, nr. 373 ID, nr. 375 ID, nr. 377 ID, nr. 380 ID, nr. 382 ID, nr. 384 ID, nr. 388 ID, nr. 389 ID dhe i denoncimit të Partisë Demokratike Dega Maliq me nr. 390 ID.

Gjithashtu, përfundoi shqyrtimi administrativ për denoncimin nr. 357 ID, i subjektit zgjedhor “Koalicioni Bashkë Fitojmë”, ndaj Bashkisë Maliq dhe denoncimin nr. 358 ID, i subjektit zgjedhor “Koalicioni Bashkë Fitojmë”, ndaj Bashkisë Maliq.

Shpallja e vendimeve do të bëhet në seancën e ardhshme.

Sot, u raportua mbi masat e marra nga Policia e Shtetit dhe Policia Bashkiake mbi vendimin nr. 424, datë 3.5.2023, të Komisionerit Shtetëror të Zgjedhjeve.

Në përfundim të vlerësimit të të dhënave të raportuara, Komisioneri vendosi marrjen e masës administrative gjobë në vlerën 5 000 lekë për policitë bashkiake të bashkive Malësi e Madhe, Pukë, Tropojë, Dibër, Bulqizë, Klos, Mat, Durrës, Krujë, Kamëz, Vorë, Kavajë, Rrogozhinë, Elbasan, Belsh, Peqin, Gramsh, Librazhd, Prrenjas, Berat, Poliçan, Korçë, Pogradec, Maliq, Pustec, Kolonjë, Gjirokastër, Dropull, Përmet, Këlcyrë, Memaliaj, Tepelenë, Selenicë, Himarë, Finiq, Sarandë, Konispol, Lezhë, Mirditë, Fier, Lushnjë, Patos, Roskovec, Mallakastër, Skrapar, Fushë-Arrëz, Cërrik, Kukës, Delvinë, Has, Libohovë, Vlorë, Kuçovë, Shkodër, Vau Dejës, Devoll, Divjakë.

Në këtë seancë u raporta informacioni i dërguar nga Bashkitë për vendimin për përcaktimin e vendeve publike për afishimin e materialeve propagandistike nga subjektet zgjedhore.

Në përfundim të vlerësimit, Komisioneri vendosi marrjen e masës administrative gjobë në vlerën 5 000 lekë, për bashkitë Fushë Arrëz, Cërrik, Kukës, Delvinë, Has, Libohovë, Shijak, Vlorë, Kuçovë, Shkodër, Vau Dejës, Devoll, Divjakë pasi nuk e kanë dorëzuar në KQZ vendimin për vend afishimet e materialeve propagandistike.