Gjendet trupi i 14-vjeçarit që u mbyt dje në Seman; 10-vite më parë iu mbyt edhe i vëllai

FIER– Është gjetur ditën e sotme trupi i 14-vjeçarit i cili u mbyt ditën e djeshme në lumin e Semanit.

Policia njofton se pas kërkimeve nga shërbimet e Stacionit të Policisë Roskovec dhe polumbarët e RENEA-s, sot rreth orës 10:40, u bë e mundur gjetja e trupit të fëmijës së mbytur, shtetasit E. S., 14-vjeç.

Po ashtu, 10-vite më parë, edhe vëllai i 14-vjeçarit është mbytur gjithashtu në këtë lumë.

Grupi hetimor po punon për zbardhjen e rrethanave të ngjarjes.