Gjendet një makinë e djegur në Fushë-Krujë, dyshohet se u përdor për ti vënë tritolin një shtëpie në Kurbin

KRUJË– Një makinë tip “Volkswagen pasat” është gjetur e djegur nga policia në vendin e quajtur Kallamat në fshatin Gramëz të Fushë-Krujës.

Makina është djegur totalisht dhe është transportuar pranë komisariatit të Policisë Krujë.

Makina dyshohet të jetë përdorur nga autorët për vënien e sasisë së eksplozivit familjes Lika në Laç.

Pritet të vijnë ekspertët nga Laçi për të bërë këqyrjen e mjetit.