Dyshohet se vranë 34-vjeçarin në Fushë-Krujë, Gjykata merr vendimin për dy vëllezërit

KRUJË– Gjykata e Krujës ka dënuar me 60 ditë burg dy vëllezërit e dyshuar si autorë të vrasjes së 34-vjeçarit Indrit Ndoj.

Sajmir dhe Landi Mirin, dy vëllezërit që dyshohet se vranë Indrit Ndojn në Fushë-Krujë ditë më parë, u arrestuan nga policia të shtunë, 22 tetor.

Sipas ekspertizës 34-vjeçari është qëlluar nga autorët me kaçavidë. Sakaq uniformat blu bëjnë me dije se janë sekuestruar provat ligjore që çuan në zbardhjen e ngjarjes dhe në identifikimin e autorëve.

Dy vëllezërit janë konfliktuar fizikisht, për motive të dobëta, me 34-vjeçarin, i cili ishte me masë sigurie “Arrest në shtëpi” dhe e kishte thyer masën duke dalë në rrugë.

Indrit Ndoji u gjet i pajetë në një kanal në anë të rrugës nga familjarët e tij ndërsa ishin nisur për punë. Trupi u gjet pas orës 08.00 të mëngjesit të premten, 21 tetor,  ndërsa dyshohet se 34-vjeçari ndodhej aty i pajetë për rreth 8-9 orë.