Dyshohet se vranë 34-vjeçarin në Fushë-Krujë dhe e hodhën në kanal, Gjykata liron 2 vëllezërit

KRUJË– Gjyqtarja e gjykatës së Krujës, Konstandina Kuro, ka lënë të lirë autorët e dyshuar të vrasjes së 34-vjeçarit Indrit Ndoj. 

Gjyqtarja pranoi kërkesën e prokurorisë për zëvendësim të masës së sigurisë nga “arrest me burg” në “detyrim paraqitje” ndaj 2 vëllezërve Sajmir e Landi Miri.

Dy vëllezërit u arrestuan pasi trupi i 34-vjeçarit u gjet i pajetë buzë një kanali pranë shtëpisë së prindërve të tij në Fushë-Krujë. Sipas autopsisë, i riu humbi jetën nga gjakderdhja pasi u godit me kaçavidë në kofshë.

Trupi i pajetë i viktimës u gjet më 21 tetor 2022 në një kanal nga familjarët e tij teksa po shkonin në punë. Indrit Ndoj ishte i njohur për uniformat blu si përdorues droge po ashtu në shtator të 2021 ai është arrestuar për trafik të qenieve njerëzore, pasi është kapur duke trafikuar 19 sirianë drejt Kosovës.