Del fotoja, ky është 34-vjeçari që u gjet i pajetë në Fushë-Krujë

KRUJË– Një 34-vjeçar është gjetur i pajetë ditën e sotme në lagjen “Bakishe Visha”, Fushë-Krujë, në një rrugë dytësore.

I pajetë është gjetur shtetasi Indrit Ndoj, 34-vjeç, banues ne fshatin Hasan, Krujë.

Nga këqyrja paraprake, është konstatuar se 34-vjeçari ka një dëmtim në këmbë që dyshohet të jetë shkaktuar nga armë zjarri.

Në vendin e ngjarjes ndodhet grupi hetimor dhe nën drejtimin e Prokurorisë pranë Gjykatës së Rrethit Gjyqësor Krujë vijon puna për sqarimin e rrethanave të ngjarjes.