Del EMRI i 49-vjeçari të arrestuar sot nga Policia e Krujës

KRUJË– Policia e Krujës ka finalizuar operacionin e koduar “Rakordimi”, në kuadër të të cilit është bërë arrestimi i një 49-vjeçari të shpallur në kërkim.

Në kuadër të këtij operacioni, u kap dhe u vu në pranga shtetasi i kërkuar Ded Arraj, 49 vjeç, banues në fshatin Dukagjinin e Ri, Krujë, pasi Gjykata e Rrethit Gjyqësor Shkodër i ka caktuar masën e sigurisë “Arrest në burg”, për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Prishja e qetësisë publike”.

Shtetasi Ded Arraj, më datë 26.01.2022, në fshatin Kasnec, Shkodër, për shkak të një konflikti për motive pronësie, ka qëlluar me armë zjarri, në drejtim të banesës së shtetasit N. U.

49-vjeçari iu dorëzua Drejtorisë Vendore të Policisë Shkodër, për kryerjen e veprimeve të mëtejshme procedurale.