Del emri i 17-vjeçarit të arrestuar nga Policia e Krujës

KRUJË– Ka dalë emri i 17-vjeçarit që është arrestuar ditën e sotme nga Policia e Krujës në kuadër të operacionit të koduar “Informimi”, për goditjen e një rasti të mbajtjes pa leje të armëve të zjarrit.

Me mbështetjen e inteligjencës informative, për një rast të mbajtjes pa leje të armëve të zjarrit, u arrestua në flagrancë shtetasi Sentijano Cakoni, 17 vjeç, banues në fshatin Borizanë, Krujë.

Shërbimet e Policisë gjetën një armë zjarri kallashnikov, krehër arme dhe 30 fishekë luftarak, të cilat u sekuestruan në cilësinë e provës materiale. Materialet procedurale i kaluan Prokurorisë pranë Gjykatës së Rrethit Gjyqësor Krujë, për veprime të mëtejshme.