Dalin pamjet e arrestimit të xhaxhait dhe nipit në Krujë! Vodhën nën kërcënimin e armës një banesë

KRUJË– 2 persona janë arrestuar nga Policia e Krujës në kuadër të operacionit të koduar “Brreti”.

Policia njofton se menjëherë pas marrjes së njoftimit për një rast vjedhjeje, në fshatin Brret, kanë identifikuar dhe arrestuar shtetasit me iniciale Kastriot Guri, 38-vjeç dhe Xhoni Guri, 22-vjeç, (xhaxha e nip) të dy banues në Laç.

Këta shtetas, në bashkëpunim me njëri-tjetrin, duke kanosur me arme zjarri (pushkë gjysmë-automatike), kanë vjedhur në Brret, Krujë, në banesën e një 40-vjeçari. Gjatë këtij operacioni, shërbimet e Policisë gjetën dhe sekuestruan në cilësinë e provës materiale, armën e zjarrit (pushkë gjysmë-automatike), municion luftarak dhe sendet e vjedhura në banesën e 40-vjeçarit.

Në bashkëpunim të ngushtë me Prokurorinë pranë Gjykatës së Rrethit Gjyqësor Krujë, vijon puna për zbardhjen e rasteve të tjera të vjedhjeve që dyshohet se janë kryer nga këta 2 shtetas.

Materialet i kaluan Prokurorisë pranë Gjykatës së Rrethit Gjyqësor Krujë, për veprime të mëtejshme, per veprën penale “Vjedhje me armë”, kryer në bashkëpunim.