Dalin emrat e dy të arrestuarve në Krujë

KRUJË– Edevaldo Haxhiu dhe Azemvllasi Elezi janë 2 të arrestuarit nga Policia e Krujës në kuadër të operacionit të koduar “Ndërmjetësi”.

Këto 2 shtetas, të dy banues në Selitë, Tiranë, akuzohen për veprën penale “Prodhimi dhe shitja e narkotikëve”, kryer në bashkëpunim.

Gjatë ndërhyrjes nga shërbimet e Policisë, këta dy shtetas janë kapur në flagrancë duke transportuar me automjet, një thes brenda të cilit kishte lëndë të dyshuar narkotike kanabis, me peshë 3 kg.

Lënda narkotike, së bashku me automjetin u sekuestruan në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.