Bakiu thotë se ndarja e Krujës në 2 Bashki do të shfrenojë (largojë) popullimin

TIRANË– Në zellin e madh të ndarjes së zonave të sigurta për vota teksa zgjedhjet po afrojnë, deputetja e Partisë Demokratike në Krujë, Merita Bakiu, ka bërë një deklaratë shqetësuese në Kuvend.

Bakiu ka kërkuar miratimin e Reformës Territoriale, pasi sipas saj do të “shfrenojë popullimin”. Në një fjalim emocional nga foltorja e Kuvendit, Bakiu tha se harta e re territoriale duhet parë si strategji për “të shfrenuar popullimin”.

“Në 8 vitet e fundit në Krujë nuk ka pasur asnjë investim serioz. Kryeministri premtoi për fushatë që do të kishte 24 orë ujë, por ka vetëm dy orë. Biznese janë duke shkuar drejt falimentimit, sepse qyteti është duke u shpopulluar. Nuk ka njerëz në qytetin e Krujës. Me keqardhje konstatoj se dhe tradita e artizanatëve po humbet. Për të gjitha sa thashë më sipër, si deputete e Krujës, insistoj për ndarjen e re administrative, që zëri i qytetarëve të dëgjohet. Për një rigjallërim të jetës sociale ekonomike dhe politike, si një strategji për të shfrenuar popullimin”, tha ajo.