Atentati në Fushë-Krujë! Del e shkuara e njërit prej viktimave

KRUJË– Diklen Vata, është njëri prej viktimave të atentatit të sotëm në Fushë-Krujë.

Vata, rreth 30-vjeç, banues në Fushë-Kuqe, Kurbin, mësohet të jetë me precedentë të mëparshëm penalë.

Sipas OraNews, Vata është arrestuar në 2017 për shpërndarje të lëndëve narkotike, kryesisht drogërave të forta.

Rreth orës 14:00 të ditës së sotme në urën e Fushë-Krujës, është qëlluar ndaj një mjeti në lëvizje mbi 50 herë.

Pas të shtënave ku kanë mbetur 3 të vrarë, makina është përfshirë nga flakët.

Policia ka mbërritur në vendin e ngjarjes, ndërkohë që ende nuk ka pasur asnjë reagim.

Njoftimi i policisë për arrestimin e Vatës:

Policia e Tiranës ka arrestuar një shpërndarësh drogash të forta në Tiranë. Diklen Vata, 25 vjeç, nga Laçi, u arrestua pasi policia i gjeti disa doza kokainë fshehur në çorape dhe në çelësat e makinës.

Policia njoftoi se më datë 27.09.2017 arrestoi shtetasin Diklen Vata, 25 vjeç, banues në Laç. Gjatë kontrollit fizik të ushtruar ndaj këtij shtetasi tek zona e shkollës “Bajram Curri”, i është gjetur e fshehur në çorape një mbështjellëse me kokainë si dhe 3 mbështjellëse të tjera të fshehura në çelësat e makinës.

Në vijim është ushtruar kontroll në banesën e shtetasit Diklen Vata, ku gjatë kontrollit të ushtruar i janë gjetur dhe 18 mbështjellëse të tjera me lëndë narkotike kokainë.

Janë sekuestruar në cilësinë e provës materiale 22 doza me lëndë narkotike e dyshuar e llojit kokainë e cila rezultoi e peshës 11.4 gramë, 3 aparate celularë, mjeti i markës “Rover”.

Materialet iu referuan Prokurorisë së Rrethit Gjyqësor Tiranë në ngarkim të shtetasit të lartpërmendur për veprën penale ” Prodhim dhe shitja e lëndëve narkotike”.