Aksidenti në Fushë-Krujë, del emri i viktimës dhe shoferit

KRUJË– Një aksident me pasojë vdekjen e një 55-vjeçari ka ndodhur rreth orës 19:00, në aksin rrugor Fushë Krujë-Vorë në afërsi te Ura Gjolës, Fushë-Krujë.

Policia thotë se një automjet me drejtues shtetasin Artur Karaj, 19 vjeç, ka aksidentuar shtetasin Pellumb Stafuga, 55 vjeç, i cili udhëtonte me biçikletë.

Si pasojë e përplasjes ka humbur jetën shtetasi Pellumb Stafuga. Drejtuesi i automjetit është shoqëruar në Komisariat.

Grupi hetimor ndodhet në vendngjarje dhe po punon për sqarimin e rrethanave të aksidentit.